先講傳心嘅內容， 首先，阿B話佢多數喺(花園)外面與其他狗一齊，但有時會沖涼，所以唔係一隻汚糟嘅狗; 其實喺屋企我地成日都會話阿B好汚糟,係因為可能佢油脂分泌比較多, 佢每次沖完涼都會好快就〝痴立立〞，所以我地成日話佢最辣撻，我覺得阿B好似煞有介事咁話比人知,佢唔係一隻汚糟嘅狗。另外阿B話佢鍾意媽媽同佢拋波遊戲;而呢個真係阿B好鍾意嘅遊戲。仲有，阿B話好想媽媽比塊麵包佢食;其實我屋企並無特別零食，多數係白麵包或者自製麵包，所以阿B好鍾意食麵包係好正常。以上嘅幾點我覺得都係不謀而合嘅。
而細細嘅傳心，形容細細性格部份都係相近嘅，不過細細話我鍾意白色菊花，但我並無對花有特別偏好，至於細細話鍾意去海灘，其實佢係從來未去過，所以會試吓第日帶佢去睇佢係咪好鍾意。
第二部份話傳心之後嘅結果，亦係令我更相信傳心能與動物溝通。以往阿B只要望到小露距離佢3呎或者更遠嘅範圍都會向佢〝E〞咀或者〝胡〞小露，但傳心之後，我當晚見過小露行得好近阿B時,佢向小露〝E〞過一次咀，而我亦有鼓勵及提醒阿B，然後阿B喺嗰次之後，呢幾日斷續都有向小露做呢啲動作，但幾乎係少左70%，以前埋身啲都唔得，而家係可以擦身而過都無事，情況係改善左好多好多。
From Rosa Lau
感謝Sandy 幫威婆婆做傳心，我初時都係抱住半信半疑嘅心態，但出來的結果令我有啲愕然和及時醒覺，以及改變左成日覺得威威好快要離開的心態！
首先威威真係好乘好斯文同好怕羞，哈哈，完全吻合佢的性格！ 第一佢好鍾意爸爸，爸爸真係會唔着衫抱住威威，威威鍾意錫爸爸
第二威威好喜歡按摩，呢一點令我好內疚因為有病之前我每朝早起身都會幫佢按全身，因為她會坐起身要我重點按摩腰部，自從上年發現有心臟病後，重點放喺每日早晚食藥、餐後再食藥、及食完排水丸後她會不自覺排尿，因為太多嘢要做，再加上之後胰臟炎，所以要花更多時間照顧威威，因為太疲累，所以忘記了替威威按摩！昨晚我為佢按摩怎知佢瞓得好好，半夜竟然沒有起身食嘢去廁所，平日毎晚都必定起身去廁所飲水及食嘢再去，呢個情況已經維持咗大半年。
第三佢真係好鍾意食士多啤梨，同埋佢話嘅紅色橙色嘅物體昨天我以為係peach其實係雞肉條，佢好鍾意食，因為好香，但我哋冇給她食了原因係佢消化唔到，早排都有俾佢食已經搣到細細粒，但佢最終嘔返出嚟！
第四今個我哋推車帶佢去食午餐，等佢去吓街，因為係佢記憶裏邊真係坐住車於阿爸阿媽屋企食飯有好多餸菜，佢可以食到煲湯豬肉，但現在佢睇唔到嘢只可以憑嗅覺知道有嘢食，因為太緊張不斷掙扎會令個心跳得好快，比較危險。
第五係好開心聽到佢講冇咁快離開我哋，呢一點係最開心。
所以謝謝Sandy今次為威威傳心，提醒我原來我有啲嘢遺留了，我哋會加油
By Vera Lee
Bubbles失蹤第5日，聯絡上ISAC校長Thomas，有幸他介紹了Pawlly幫忙，第6日早上，Pawlly跟Bubbles傳心，得知牠身處的環境，和身體狀況，經溝通後，Pawlly與Bubbles協議，嘗試於翌日早上10時，相約與我見面，位置是Bubbles形容的地點，當日(第6日)晚上十一時多，Pawlly致電給我們，細緻講述早上的傳心內容，當下我們需盡快找出Bubbles描述的地點，我們在附近，拍下幾處地標，和Bubbles提及的類似建築物，大概凌晨十二點四十三分，我接到我媽媽打來的電話，她說⋯ Bubbles自己在大力推和抓門，門外只有牠自己一個⋯ 牠返屋企了！
好了，我們和Bubbles相處十多年，向來牠是膽小的，牠絕對不是那些懂得自己回家的貓，究竟牠如何回來，實在匪夷所思，也許有人會說，牠沿著自己的氣味回來，但這是不可能的，因為每層有幾十戶，這6天以來，我們每天逐層搜索整座大廈，也在附近的地方，包括公園、山邊一帶找，也貼了不少街招(也被投訴了)，一直杳無蹤影，卻在Pawlly跟牠傳心之後的晚上，在不可能的情況下，自己拍門返家。
個人對心靈方面，有一定的認知，這次找尋失蹤的Bubbles，雖然上面我用過＂匪夷所思＂、＂不可能＂等，去形容，但其實我是知道Bubbles能夠順利回家，Pawlly是最大功臣，而且她打開了一道門，一道Bubbles與我們一家心靈相通之門。
Bubbles、Casper、我和妹妹及一家人，再次感激Pawlly嘅大愛，促成Bubbles找到回家路；妳處理得非常出色，妳嘅專注同活力，強化咗同Bubbles傳心嘅能量，係令整個個案，高速圓滿解決嘅主因。
最後，這次傳心，有一個笑點，當Pawlly與Bubbles傳心時，Bubbles說牠趁阿榮掉垃圾時走出去的，等等！阿榮?! 掉垃圾那個是我爸，他並不是叫＂阿榮＂啊！當Pawlly跟我說時，我立刻知道為什麼，因為我爸經常提起一位叫阿榮的鄰居，Bubbles聽得多爸爸叫阿榮這個名，就稱呼爸爸做＂阿榮＂XD
By Ronnie
Christine Wong
有人說動物情感沒有人類的複雜， 我倒覺得他們大智若愚。我在動物身上學懂謙卑，無私的愛。眾生皆有情，你願意聆聽他們的心聲嗎。
尊重每一位毛孩，動物，除咗你有問題想知，好多時候其實佢地有好多事都想告訴你的。家長們，只要你願意聆聽，我絕對願意幫你打開他們的內心世界❤️
Cherish every chance to speak to animals with respect. All living beings are equal and deserve a chance to speak for themselves. May all the animals be treated with respect and dignity.
感謝溝通師協助這次的溝通，家裡的三歲橘貓，最近行為異常的到處大便與尿尿，不懂動物語言的我，只能自己猜想孩子的狀況，一開始以為是生病了，做了一些檢查，確認身體健康，接下來就是心裡問題。經過溝通師的溝通，我了解了孩子的想法，也深深覺得自己真的缺少了對他的關心與陪伴。貓和人一樣，都會有缺乏愛與安全感的時候，可能大多數的人不懂他們，對他們的異常行為只會打罵，但是問題沒有得到解決，也拉遠了自己與孩子之間的距離。這次的溝通後，之前對孩子的語言判斷與溝通師的溝通，我可以更了解他心裡真的需要什麼，然後改善問題。這次真的是一次很好的經驗。下次再遇到問題，我想我還是會想要溝通師來幫我與孩子們！
By Sheree
首先好多謝Dorothy你可以喺Barry進行火化之前幫我哋同佢傳心，因為喺最後悼念儀式前，可以知道佢嘅想法，令我哋同佢講再見嘅時候可以用佢喜歡嘅心情同佢話別，唔好令大家帶着遺憾。
Dorothy見到嘅Barry就係我哋心目中嘅Barry，佢好溫柔、好體貼、好生性！大家都好懷念Barry嘅笑容，因為佢喺屋企真係經常笑，喺我哋記憶入面同埋好多照片上佢都係一個笑臉，所以能夠聽到佢話喺呢個家生活得好開心，我哋已經感到很滿足。
因為Barry離開得我哋好突然，佢雖然之前身體有唔舒服，但係做了一些檢查及一個小手術後就已經又生生猛猛，自己食飯，而且檢查結果也冇大問題！過咗一個多禮拜之後，雖然佢唔多肯食嘢，有帶佢睇過醫生，我們也以為係腳痛問題令佢冇胃口，所以安排了骨科醫生睇佢，但要一個月後才可以睇，回家之後又唔肯食嘢，要我哋餵，每日只係好攰咁成日瞓，但一見到人就即刻黐埋嚟，錫你，間中重會吠吓，所以我哋沒有馬上發現她的身體問題咁嚴重，到佢去世前一晚半夜(剛剛過了中秋節那天)情況才開始突然變差，呼吸困難，我們馬上送她到急症室，醫生說她的情況已經是屬於危殆，直到中秋翌日早上曾一度停止呼吸心跳，經搶救後醒過來，我跟先生能趕到看她最後一面，之後她才離世。我哋真的感到很內疚，點解咁遲先至發現佢嘅問題係咁嚴重。雖然醫生話佢嘅問題可能係一啲急性嘅心臟問題，有時係好難發現，同埋會發生得好快，但都係冇辦法減輕我哋嘅內疚感！由其是我老公，佢完全覺得好對唔住Barry，喺佢在世嘅時候對佢唔夠好！還好我和老公都相信傳心，也經由校長找到Dorothy你這個這麼好的同學幫忙，在這麼倉猝的時間，也能為我們做這次的傳心，我和家人都表示萬分感謝.
通過今次嘅傳心，有好多同Barry嘅生活點滴都被勾起，好似佢話屋企動物鬧交嘅時候佢會忍無可忍咁鬧下佢哋，仲有就係佢好鍾意轉圈，俾手，然後我哋會請佢食零食，還有就係佢好鍾意用個頭枕住喺我哋個大脾度瞓覺，呢啲都係我哋一家人美好嘅回憶！仲有就係佢話佢走嘅時候冇咩痛苦，好順利去到彩虹橋，嗰度好開心快樂，有好多朋友，好溫暖，唔會孤單寂寞，而且喺彩虹橋，佢仲有份工作，係幫人搵返一啲開心快樂嘅記憶！知道佢喺我哋個家度每日都好開心，而家喺彩虹橋都係咁開心，已經係呢個時候對我哋所有人最好嘅安慰！
我最難忘嘅係佢講嗰句「精神狀態可以舒緩到肉體痛楚」令我好感動，我好慶幸佢最後幾天在世時，我哋有一直陪住佢，每晚都陪住佢瞓，直到佢離開我哋，我知道佢感受到我哋嘅愛，好開心我哋一直嘅陪伴！每次想到呢度就會忍唔住喊，係既激動又感動！佢呢句說話可以鼓勵我哋所有嘅人，令覺得虧欠咗佢的爹爹可以得到很大的安慰！
佢希望我哋個個都相親相愛，佢最喜歡大家喺屋企嘅笑聲，希望大家嘅笑聲可以一直延續落去，亦都希望我哋可以關心多D家人，無論係人或動物！呢點真係令我哋有警惕作用，我一直都覺得對父母嘅關心唔足夠，而家Barry提醒咗我哋，更加要珍惜跟年長父母一起相處嘅日子！
最後要再次感激Dorothy將Barry嘅說話帶到我哋每一個人嘅心中，令我哋因為佢嘅說話，以後每日都可以好好過日子，珍惜現在所擁有嘅家人，朋友，不要等將來失去了才後悔！
By Alice
我想補返上次你幫我哋同Buffy 傳心嘅Review，因為我哋已經觀察咗差唔多兩個月喇。
首先講一講傳心前嘅準備，我覺得你真係準備得好好同埋超級用心。我哋唔係好識得set啲問題成日都會講得太多或者個方向唔係好清晰，但係你好用心咁去同我再傾，去理解我嘅問題，然後再幫手修改條問題，甚至係建議用另一個方式去令到Buffy更容易理解清楚我哋想表達嘅意思，例如係好實在地俾一個畫面Buffy睇再加解釋，令到原本好抽象嘅問題變得簡潔易明。
你幫我哋同Buffy傾偈嘅時候係八月尾，BB就喺九月頭出世返屋企。其中一樣想Buffy明白嘅係佢唔好舔BB因為會令到佢生病，Buffy係一個非常鍾意舔人尤其小朋友嘅狗狗，但係竟然由BB返屋企第一日開始，一直都忍住無舔妹妹，所以知道一定係Cindy你幫我哋同Buffy好好溝通清楚令到佢明白咗。同埋好搞笑地佢真係好似佢同你講咁係咁舔我哋取而代之。原本冇可能靠我哋教到佢嘅嘢，多謝你幫我哋同Buffy溝通到。
玩具方面Buffy都好似好理解到佢淨係可以玩自己啲玩具。當然一有新玩具時佢未識分玩唔玩得，都會行去搞，但係當我哋同佢講咗呢個玩具係BB嘅時候，佢就會停止想去搞，然後去返自己個兜度拎自己啲玩具玩。相信係因為Cindy你俾咗佢睇畫面教咗佢令到佢清楚明白嗰度先係佢可以玩嘅玩具。
另一樣係床仔，我哋一直都以為佢好鍾意原本張床所以一直用緊，但原來都唔發現已經扁晒，唔怪得知佢少咗上去瞓，而家換咗新床仔佢成日都上去瞓，食完嘢都會好開心咁喺上面轉。
而Buffy同你講嘅請求我哋都有盡量滿足佢，令到佢開開心心。同埋有你幫我哋再同佢講我哋對佢嘅愛，Buffy一直都好乖好乖，默默咁一直陪住媽媽同BB身邊🥹♥️多謝你呀!
By Claudia
Phoenix Leong
動物傳心術除了能更深入了解動物的思想和行為，還能令家長與動物之間更有默契；動物與動物之間相處更融洽。因此，令我想起了一句話 “Great Power come Great Responsibility”，成為了傳心師後，這句說話變成我的座右銘，我希望可以利用更大的力量去幫助更多家長和動物。
澳門唯一ISAC 認可動物傳心師。
